Ajnc, cvaj, ide
Zvonko hojla haj,
v letna jutra
kak trabant fletno
do kleti črevo
si gemišta vleče puno
da trseke tak
mile i još snene
kapljicama
modre galice prene,
- al nikak da
špricanje krene!
Mile su mu
brajde zelene
tak božansku
hladovinu delaju,
mame ga
groždane sirene
da si za
fruštuka malo jezika vmoči,
da se seti
kako je to z trsja grudi,
tak finoga soka
v jesen vleči.
Al več se
Zvonko snašel nije
gda mu ruka
sama od sebe
mam liter i
vodu čez lampu zlije.
Šusne ga gemištec
nogom v mozak
tak da je želuca
potresa doživel.
Špricu ve
nemreš zdići,
sav si znojni i
smrdljivi,
roke ti drhću i
kak vrba granje vise
pak si misliš
da si malo trebaš prileći,
barem na malo
vu vinski raj pobeći.
Tam klet ti je
mila la la la,
bez kriča i
galame hoja haj,
čista zagorska
penzija i idila
draža nek stekla baba pri hiži.
Čekaš da se
zemlja smiri,
kuneš i kričiš
nek se vrteti stane,
na sunce laješ
kaj tak grdo kuri,
mam mu dojde da
vatrogasce zove.
Al to Zvonko
sam tak veli,
nikaj za
zameriti niti za ozbiljno zeti!
Malo si bu kak
jazavac prespal
i onda z brloga
pred večer bu zišel,
malo friškog
zraka v plučeka povlekel
i kakti špricu
na pleča bu del.
No bledi je
mesec već hodil po krovu,
došla je večer
i sestra joj kmica,
kad se Zvonko
zdigel i mamu im spreklel.
Krvavih očiju
nikaj ne vidi,
mesec leni za tulku
kmicu krivi,
Bogeku se žali
kaj je tak slabu žarulju zašrafal.
Al gorice se
nikaj ne bune
njima je draže pri
lahoru biti,
pod šumicom
zvezde brojati.
Samo komarci v zobe
letiju
i zrikavci
sabor vode,
kad je sused
Zvonko odlučil
da bu zutra
znova špricat došel.
Nema komentara:
Objavi komentar