Sveti Joža
-črni žulji
pod večer si
je počinul.
Kaj ima na
televizoru?
Zrikavci pospani se ziblju
zevlje čuk na boru kraj hiže.
Čudi se kaj
v dnevniku i v športu ne vidi
ni teleta
ni osleka ni kozleka.
Počeše se po
bradi
sunce migolji za bregima
Prijde TV-u
i mam se sam od sebe
kak cvrček zgasne.
I otijde,
prije nek si legne,
pogladiti još neotesano drevo:
mlinski
kotač, sverdlo za prešu
i kolevku za dete.
