Z škole z cugom idem dimu. Klate se
vagoni sim pak tam.
Čez oblok dreva se trudno listaju kak
debele knjige.
Nikak se nebrem do kraja nafčiti.
Nikak nebrem šumu v svoju zamku
vloviti.
I kolesa kližu boleče i ne znaju kaj
bu zutra. Torbu sam,
staru tatinu z vojske, skinul z sebe.
Sam sedim.
V kupe je vušel i kraj mene Jezuš si
je sel. Videl je
kak sam nujni. Pospani. ˝Spusti glavu
na moj vajnkuš. Legni si malo.˝ Bil
sam srameći. Do starog
železnog mosta smo došli. Prek Bednje
smo prešli. Svoje duge lasi
sam spustil na njegovo rame. Prek
njegovih grudi sam se
kak dojenče razlejal. ˝Kaj ne vidiš kako
friška voda
živi?˝ Zeleni se korito Bednje. Vrači
se daljina, zvezano vreme
zdalka pozadi. Kraj Bednje idemo, z nami
se pela.
Vurmuhar oslobodil je čase za naprej.
Zdehnutost je odletela
dole pod štreku. Vrnul se v serce
ognjeni dah.
Kolesa mirno govoriju. Ne smetaju
šumu.
V dubravu su zašli, tak stiha moliju.
Ni srne se više ne bojiju.
Jezuš je kraj mene. Ležim. Pred menom
se
nove stranice zlistavaju. ˝Sam počini.
Pošel buš kam trebaš dojti.˝
