Otoki

Morje se skrilo za solnce

Božeg dragi je zdavna

srditost z svojega lica slekel

v zelenoj se nevinosti pokazal

- bregi kak deca vu vodi stojiju:

Ajčimo spokojni

            pod senom otoka hrastja i bukvi

- zmislim se v snu grojzdja z dna morja.

I paruni smo bez brodof,

v daču smo bez krivnje ili zasluge

ruke i oči dobili.

I z kravu i konjem

kokošima i pajcekom

čmelama i skakavcima

paprikom i paradajzom

krastavcima i tikvama

šipkom i maslačkom

motikama i sekirama

traktorom i čekićem

z frezom i beciklima

- čez samo serdce -

celi je narod

stupil v Savez.